കൊച്ചമ്മിണീസ് പൊടികള്‍ ഉപയോഗിച്ച് പായസം തയ്യാറാക്കാം
ആവശ്യമായ സാധനങ്ങള്‍
ഇളം കുരുത്തോല അരച്ചെടുത്തു ശര്‍ക്കരയില്‍ വരട്ടിയത്- 1കപ്പ്ചെറുപയര്‍ വറുത്തു വേവിച്ചത്- 1/2 കപ്പ്ഇളം കരിക്ക് - 1/4 കപ്പ്ശര്‍ക്കരപ്പാനി (പ്രത്യേകം)- 1 കപ്പ്തേങ്ങ ചിരകിയത്- 3 കപ്പ്ഒന്നാം പാല്‍- 1.5 കപ്പ്രണ്ടാം പാല്‍ - 2 കപ്പ്ചുക്കുപൊടി-1/4 ടേബിള്‍ സ്പൂണ്‍ജീരകപ്പൊടി( കൊച്ചമ്മിണീസ്)- 1/4 ടേബിള്‍ സ്പൂണ്‍ഏലയ്ക്കാപ്പൊടി- 1/4 ടേബിള്‍ സ്പൂണ്‍തേങ്ങാക്കൊത്ത്( നെയ്യില്‍ വറുത്തത്) -1/2 ടേബിള്‍ സ്പൂണ്‍അണ്ടിപ്പരിപ്പ് ( നെയ്യില്‍ വറുത്തത്)-20 ഗ്രാംഎള്ള് - 1/4 ടേബിള്‍ സ്പൂണ്‍നെയ്യ് - 100 ഗ്രാം
തയ്യാറാക്കുന്ന വിധം
സ്റ്റൗ കത്തിച്ച് ചുവടുകട്ടിയുള്ള ഒരു പാത്രം വെച്ച് ശര്‍ക്കരപ്പാനി ഒഴിച്ച് കുരുത്തോല ശര്‍ക്കരയില്‍ വരട്ടിയതും ചെറുപയര്‍ വറുത്തു വേവിച്ചതും ചേര്‍ത്ത് നന്നായി യോജിപ്പിക്കുക. അതിലേക്ക് അര ടേബിള്‍ സ്പൂണ്‍ നെയ്യും, കഷ്ണങ്ങളാക്കിയ ഇളം കരിക്കും രണ്ടാം പാലും ചേര്‍ത്ത് കൈവിടാതെ ഇളക്കി കുറുകിയതിനു ശേഷം ഒന്നാം പാല്‍ ചേര്‍ത്ത് ഒരു തിള വരുമ്പോള്‍ അതിലേക്ക് ചുക്കുപൊടി ജീരകപ്പൊടി ഏലയ്ക്കാപ്പൊടി എന്നിവ ചേര്‍ത്ത് നന്നായി ഇളക്കി യോജിപ്പിച്ച് വാങ്ങിവയ്ക്കുക. അതിലേക്ക് അണ്ടിപ്പരിപ്പ്, തേങ്ങാക്കൊത്ത്, എള്ള് (നെയ്യില്‍ വറുത്തവ) എന്നിവ ചേര്‍ക്കുക. ഏറ്റവും സ്വാദിഷ്ടമായ കുരുത്തോല പായസം തയ്യാര്‍.
Content Highlights: kochamminis ruchiporu 2025 kuruthola payasam